EMA BONINO, UÇK-ja, DHE EURODIPLOMACIA
| |
Ku u gjend ai ushtar i UÇK-se ne Malisheve,
he mi lumte pushka!
|
Nuk eshte fare per tu shqetesuar se zonja Ema Bonino qenka ndaluar nga
ushtaret e UÇK-se ne nje fshat te Malisheves.Kjo zonje e larte e Europes
nuk ka mundur te ndahet nga grupi shoqerues i publicitetit sipas
kerkeses se njesitit te UÇK-se, por ne shenje padurimi ka krisur e ikur
per te pare nje "fshat tjeter".Lajmet nuk thone nese "fshatin tjeter" ja
kane rekomanduar pushtuesit xhahil serb apo ndonje nga ekipi shoqerues.
Te kish ndodhur ky "incident" dy muaj me pare, mbase mund te gjykohej
mungese etike ndalimi i shpures se zonjes se larte europiane Bonino,
mirpo qe atehere e tash, shume ngjarje kane ndodhur, e mjaft te tjera
kane ndryshuar, aq sa te duket se edhe vete vizita e kesaj perfaqesuesje
te larte eshte si kofini pas te vjeli.U kish dashte qe si Europa qe ajo
perfaqeson dhe NATO-me te cilet mburret, te ishin gjendur ne Kosove para
se Milosheviçi te niste fushaten e spastrimeve masive ne Rahovec,
Malisheve e se fundi ne Junik. Kjo ardhje mbas masakrave masive ne
popullin e Kosoves, kur Milosheviçi deklaron se e vendosa rendin, çka do
me thane? Ne Kosove qyshkuri ish dashte te shkonin trupat e NATO-s e jo
zonja me shpura, qe siç vine ikin.
Prandaj, shume mire kane bere ata djem te UÇK-se, qofte edhe sikur ta
kene bere krye ne vedi e pa urdherin e Shtabit.
Kur i them keto, nuk nisem kurrsesi nga shkaku i arsyeshem se sa here
kane shkuar personalitete nga Europa e Amerika ne Kosove, u jane ngjitur
nga prapa spiunet e Serbise, madje me dokumenta te "rregullta" te
punonjesve te shtypit. Dhe kjo nuk eshte çudi sepse parja e Beogradit
shkon shume me larg e me lart se sa niveli i propoganduesve te thjeshte.
Eshte nje fakt qe ne shqiptaret po e perjetojme me dhimbje te madhe
deri ne ndjenje fataliteti, trumbetimin me te madhe nga TV, shtypi e
masmediat nderkombetare se UÇK-ja u shkatrrua, e kjo e thene me miratim
te kenaqeshem qysh prej qarqeve me te larta te shteteve te medha e deri
tek gazetat me te shitura te botes, me qellimin e poshter se tashme kjo
forca luftarake u mund, e si ne çdo lufte i munduri nuk duhet te merret
ne konsiderate.
Per fat te keq edhe ne grupin negociues te hartuar me siguri prej
ambasadorit Hill, nuk gjendet vend per UÇK-ne madje thuhet me nje ton
ironik "vendet jane te hapura per kedo qe do te marre pjese" si te ishte
fjala per pjesmarrje ne nje salle koncerti. prandaj te mos kemi
iluzionin me te vogel se e gjithe kjo disfate ne vije frontale e UÇK-se
ka ardhur si rezultat i nje drite jeshile nga qarqet diplomatike
europiane,te cilet e shohin realizimin e nje marveshje te re roberuese
te popullit shqiptar te Kosoves nen Serbi vetem po te kene koka te
bindura ne ne tryezen e bisedimeve, te cilin ata e kane ideuar me kohe
si "Dajtonin e Dyte". E qe te behet "Dajton i Dyte", duhet patjeter te
jete i ezauruar plotesisht termi "Bosnja e Dyte", pra Eurodiplomacia do
te pres derisa te vriten edhe mijra shqiptare te tjere, derisa Serbia
ta shtroje me zjarr e me hekur Kosoven, e kur vendi te kete maale me
kufoma, atehere ne mes te pushtuesit fitimtar dhe viktimes se mundur do
te vendose "Dajtoni i Dyte" i cili merret me mend sa çka mund te jete -
ligjesimi i dyte nderkombetar per roberimin e metejshem te popullit shqiptar.
Deri me tash u çane duke therritur se pse UÇK-ja nuk udheheqje, me pas
pse nuk ka koke,( madje e bene me shume koke si kulçedren), akoma dhe me
pertej pse nuk ka krahe politik e te tjera insinuata te diplomateve, te
cilat kishin per qellim te realizonin gradualisht gjendjen qe po sundon
sot, pra politikane te drobitur ne Prishtine (prej hallit se ne nje krah
sulmon Sllobodani e ne krahun tjeter presojne jaranet e politikes nderkombetare),
dhe nje UÇK me terrene te humbur e pa baza furnizimi.
Duke qene Kosova ne kete pike halli, kur dimri po afron dhe mbi nje
çerek milioni banore tashme jane te ikur prej vatrave te tyre,
Eurodiplomacia mendon se e ka me te lehte tu kujtoje shqiptareve se
"pavaresia eshte nje enderr e bukur" te cilen nuk mund ta realizojne
kurre, prandaj te ulin koken e te pranojne zgjedhen serbe.
Me kete llogjike absurde vine te gjitha ekipet nga Europa dhe e kane
ne maje te gjuhes shprehjen demoralizuese e denigruese per popullin
shqiptar, "nuk ka pavaresi per Kosoven", çka ne te vertete eshte nje
diskriminim i pashembullt ne historine e popujve. Eurodiplomatet e sotem
e dine mire se me kete retorike cinike, na kane folur e diskriminuar
historikisht te tere brezat e diplomateve te ketij shekulli madje dhe ne
shekullin e kaluar.
Ymer Prizreni e Abdyl Frasheri ne pranvere te vitit 1879 trokiten ne
kançelarite e shteteve te medha kur keta te fundit i dhane Malit te Zi
Hotin e Gruden, e me pas Ulqinin e Tivarin. Eurodiplomacia e asaj kohe
jo vetem nuk na pranoi kurrfare kerkese, perkundrazi pruri flotat
luftarake dhe me predha rrahu Ulqimin e Tivarin nga deti, nderkohe qe
pushtuesit turq e malazez benin kerdine pas shpines se shqiptareve.Kush
shpetonte prej predhave te topave te Europes e grinte plumbi e bajoneta
e turqeve dhe malazezeve. Me kete gjuhe i eshte folur ne Londer Ismail
Qemalit e Is Buletinit kur Kosova e trojet shqiptare ju dhane Serbise
Greqise e Malit te Zi, e ku keta burra te Shqiperise u thane diplomateve
te hanxharit, "puna juaj ketu mbaron - puna jone ketu fillon" dhe
"shqiptaret nuk mbajne kurrfare pergjegjesie historike per luftat qe do
te sjell e ardhmja", fjale qe jane aktuale edhe sot e kesaj dite, sepse
pinjollet e diplomacise se vjeter, kane rrembyer hanxharin e baballareve
dhe kerkojne te riperserisin tragjedine ose me e pakta ta shpetojne ate çka
mbetur nga sajesa e tyre monstruoze, tashme e deshtuar plotesisht,
burgun e popujve me emrin serbo-jugosllavi.
Prandaj nese ndonje ekipi prej shpures te Eurodiplomacise ju prish
humori e oreksi ne nje fshat prane Malisheves se djegur e zhuritur, nuk
eshte ndonje gjeder i madh. Perkundrazi, keta trumbetareve ndjellakeq,
qe deshen me çdo kusht e çdo çmim shmangien e UÇK-se si faktor
detreminant per zgjidhjen perfundimtare te çeshtjes se Kosoves, le ta
marrin vesh se UÇK-ja as nuk eshte vrare e as nuk eshte shuar, ajo lind
nga zjarri, shkrumbi, e hiri i shtepive te zhuritura ane e mbane Kosoves
e pertej saj, ajo mbijeton permes amaneteve dhe shpirtit qindra e mijra
te masakruarve barbarisht, ajo rilind si Feniksi nga hiri edhe pse
zjarri te duket i shuar.
Ne kete kurs antishqiptar dhe antinjerezor ku nxitet vrasesi dhe
qahet me lot korkodili viktima, po perfshihet kush te mund me shume, qe
nga gjeneralet e Natos me ca stervitje groteske ne Bize Martanesh
(nderkohe qe 15 predha topash te kalibrit te rende 120 mm godasin token
shqiptare), e deri tek OKB-ja qe ben rezoluta per te mbrojte te drejtat
e popujve ne Afrike, Azi, Amerike Latine, nderkohe qe ben sehir nje
gjenocid masiv ne Kosove, dhe popullit shqiptar i mohon te drejten e
ligjeshme te vetvendosjes.
Nga kjo soditje diplomatike nuk shpetojne as diplomatet "aktive"
dhe "emisaret e posaçem" te varavingove ne Ballkan, as miqt tane
amerikane, dhe as buzekuqja e Eurodiplomacise zonja Ema Bonino, shpuren
e publicitetet te se ciles e ndaloi nje ushtar i UÇK-se ne Malisheve. E
pra sipas kesaj shpure te publicitetit, Malisheva eshte "territor" i
zoteruar me lufte prej armates serbe.
E atehere, ku u gjend ai ushtar i UÇK-se ne Malisheve, he mi lumte pushka!
Kolec Traboini,
20 Gusht 1998
|